రష్మిక మందన్న ఇటీవల ఒక యూట్యూబ్ ఛానల్లో చిట్చాట్లో పాల్గొన్నారు. ఈ సందర్భంగా పలువురు అడిగిన ప్రశ్నలకు ఆసక్తికర ఆన్సర్స్ చెప్పింది. తన భాగస్వామి ఎలా ఉండాలని కోరుకుంటుందో చెప్పాలని ఒక ఫ్యాన్ కోరగా, ప్రపంచం మొత్తం తనకు వ్యతిరేకంగా ఉన్నప్పటికీ కూడా తన కోసం నిలబడే జీవిత భాగస్వామి కోసం వెతుకుతున్నట్లు చెప్పింది. నిజాయితీగా చెప్పాలంటే, నన్ను బాగా అర్థం చేసుకునే వ్యక్తి, ప్రతి విషయాన్ని నావైపు నుంచి ఆలోచించి అర్థం చేసుకునే వ్యక్తి, ఎలాంటి పరిస్థితులనైనా ఎదుర్కునే వ్యక్తి కోసం చూస్తున్నా. అలాగే, మంచి వ్యక్తిత్వం ఉన్న మనిషి, నా కోసం యుద్ధం చేయగల వ్యక్తి కావాలి అని రష్మిక మందన్న వెల్లడించింది.
అలాంటి భాగస్వామి కోసం నేను ఎంత దూరమైనా వెళ్తాను, ఆ యుద్ధంలో బుల్లెట్ కైనా ఎదురెళ్తానని నేషనల్ క్రష్ రష్మిక మందన్న పేర్కొన్నారు. ఇక, ఒకవేళ మీరు డేట్ చేస్తే ఎవరితో చేస్తారు? పెళ్లి చేసుకుంటే ఎవరిని చేసుకుంటారు? అని ఒక అభిమాని ప్రశ్నించగా, డేట్ చేస్తే యానిమేషన్ క్యారెక్టర్ నారుటోతో చేస్తాను, ఎందుకంటే నాకు నారుటో పాత్ర చాలా అంటే చాలా ఇష్టం. అలాగే, పెళ్లి చేసుకుంటే విజయ్ దేవరకొండని చేసుకుంటాను అని తన మనసులోని మాటను బయటకి చెప్పేసింది.
రష్మిక మందన్న మరియు విజయ్ దేవరకొండ ఇటీవల వారి నిశ్చితార్థం గురించి వార్తలు వెలుగులోకి వచ్చాయి. అక్టోబర్ 3వ తేదీన వారి నిశ్చితార్థం జరిగినట్లు న్యూస్ సోషల్ మీడియాలో తెగ వైరల్ అయింది. ఈ విషయాన్ని అధికారికంగా ధృవీకరించనప్పటికీ, ఈ మధ్య పలు ఇంటర్వ్యూల్లో రష్మిక పరోక్షంగానే స్పందించారు.
నా ఎంగేజ్మెంట్ విషయంలో మీరు ఏం అనుకుంటున్నారో అదే నిజం, సమయం వచ్చినప్పుడు అన్ని విషయాలు వెల్లడిస్తానని రష్మిక చెప్పుకొచ్చారు. ఇక, రష్మిక మరియు విజయ్ల జంట సినీ పరిశ్రమలో చాలా ప్రముఖమైనది మరియు వారి అభిమానులు వారి పెళ్లి కోసం ఆసక్తిగా ఎదురుచూస్తున్నారు.
ఈ సందర్భంగా, రష్మిక మందన్న తన జీవిత భాగస్వామి కోసం వెతుకుతున్న లక్షణాలను వివరిస్తూ, విజయ్ దేవరకొండతో తన పెళ్లి గురించి సూచనలు ఇచ్చారు.
